:::

播出時間: 2024-02-20 14:00

|分享客家諺語:「賺錢可比針挑竻,使錢可比水推沙。」|

1.分享客家諺語:「賺錢可比針挑竻,使錢可比水推沙。」

2.「文學欣賞」分享全國語文競賽客家語朗讀文章「𠊎對客家俗諺个聯想」作者係徐煥昇。

3.「社長時間」--美濃月光山雜誌鍾昆宏社長紹介40年前轉戰證卷交易所功成名就个旅北證券專家朱富春鄉親。

4.「悅讀美濃文學」分享「飯甑波个滋味」人公仔書第三集,阿嬤帶等阿滿佢等幾個細孲仔去山腳下摘葉仔,準備裹粽仔用:美濃麻竹葉愛用來裹鹹粽仔,枸薑葉拿來裹焿粽用。

5.美濃落涔涔雨个時節,假菊花/長柄菊、皺面草/狗尾草、蝦公夾/鬼針草這兜青草生啊特別靚,摘歸來晒畀燥再收起來囥,等到天時蓋熱个時節,就做得拿出來煲青草茶。

6.阿滿个細老弟出世吔,阿嬤摘吔多大風草/艾納香个莖佮葉仔,晒燥摶做草結,分阿姆做月个時節洗身用。細老弟嚇著緊噭眵,阿姆會煮抹草水分老弟洗身。

7.毛西番蓮个花一圈白色、一圈吊菜色,中間个花蕊還有三支生啊蓋像時針、分針、秒針,看起來就像一個細時鐘,蓋生趣。

8.阿嬤帶臭風仔歸來,炒熟過後,就用石頭佮佢等磨啊變粉,再佮溶好个糖攪共下,再捏啊一細垤一細垤,臭風粄看起來像烏色哱哱糖。

 

【播放歌曲】

黃揚葉滿天飛 /陳雙

我的故鄉 / 陳志明

加了蜜  /陳永淘

日頭花  /曾雅君

老阿婆的油桐花 /徐千舜